Türmlihorn (2490m)24.11.2024
Verhältnisse vom 23.02.2019
Rauflihorn (2322m): Parkplatz Grimmialp - Alphütten Nidegg - Grimmifurggi
Hüt heimer wider mau ds Raufli ids Oug gfasset. Am Morge dehinger schön knackig chaut, ömu so, dass es glängt het für ne Viertustung toti Finger.
Der Ufstieg isch trotzdäm dass es pickuhert isch gsii, sehr guet gange. Eigetlech hani gmeint i wöu de nid bis ganz uche, aber hoppla, uf ds mau isch me dobe. Wobii, im Gipfuhang hani ging wider dänkt: wie chumeni da wider ache? Mit jedem Schritt meh am Verderbe entgäge isch mer das vorchoo.
Dobe chli zügig, wie immer, und nid viu Lüt. Aber läck bobi: innerhaub vonere haub Stung hets ghäscheret und si si us aune Himmusrichtige obsi choo. Sogar e schöne Setter (Hund) isch uche choo. Dä het de mis Znüni mit mir dörfe teile bis sini Gruppe isch dobe gsii. Sogar ds furztrochene Brötli het er gfrässe. Ds Trochefleisch aber de umso lieber...
D Abfahrt de, tja, nid soo berauschend. Dä Gipfuhang isch ja breit, sehr breit, aber es isch aues verfahre. Und äbe sehr vom Wind bearbeitet. Auso ibi mer vorchoo aus würdi überne zachergfahrne Acher achefahre. Ruppig wine moore. Öppe so, aus hätt der Lehrling ds erschte mau es Pischtefahrzüg glänkt....
Ab em Übergang isches de erstuunlech schön gsii. Chli Pulver, zum Teil haut presst, chl "fasch Sulz"... u ja, me cha o eifach z früech gaa. U mir si ds früech ungerwägs gsii. E Stund speter und es wär sicher besser gsii.
Der Wäg ab ging wie ging. Das isch Füdlebacketrainig vor Luxusklass. I ha jede benide wo Schneeschueh ade Füess ghaa het. Mir hei zersch no überleit übere ufe Stierebärg u när dert ache. Wies vor churzem der Paul Hirschi empfohle het. I ha nid wöue wiu mi ds erneute aafääle aagschnäggelet het. Fautsche Entscheid! Es wär der ache sicher besser gsii u hät no paar Bögli meh gää.
Aber aus i auem immer wider e schöni Tour.
Der Ufstieg isch trotzdäm dass es pickuhert isch gsii, sehr guet gange. Eigetlech hani gmeint i wöu de nid bis ganz uche, aber hoppla, uf ds mau isch me dobe. Wobii, im Gipfuhang hani ging wider dänkt: wie chumeni da wider ache? Mit jedem Schritt meh am Verderbe entgäge isch mer das vorchoo.
Dobe chli zügig, wie immer, und nid viu Lüt. Aber läck bobi: innerhaub vonere haub Stung hets ghäscheret und si si us aune Himmusrichtige obsi choo. Sogar e schöne Setter (Hund) isch uche choo. Dä het de mis Znüni mit mir dörfe teile bis sini Gruppe isch dobe gsii. Sogar ds furztrochene Brötli het er gfrässe. Ds Trochefleisch aber de umso lieber...
D Abfahrt de, tja, nid soo berauschend. Dä Gipfuhang isch ja breit, sehr breit, aber es isch aues verfahre. Und äbe sehr vom Wind bearbeitet. Auso ibi mer vorchoo aus würdi überne zachergfahrne Acher achefahre. Ruppig wine moore. Öppe so, aus hätt der Lehrling ds erschte mau es Pischtefahrzüg glänkt....
Ab em Übergang isches de erstuunlech schön gsii. Chli Pulver, zum Teil haut presst, chl "fasch Sulz"... u ja, me cha o eifach z früech gaa. U mir si ds früech ungerwägs gsii. E Stund speter und es wär sicher besser gsii.
Der Wäg ab ging wie ging. Das isch Füdlebacketrainig vor Luxusklass. I ha jede benide wo Schneeschueh ade Füess ghaa het. Mir hei zersch no überleit übere ufe Stierebärg u när dert ache. Wies vor churzem der Paul Hirschi empfohle het. I ha nid wöue wiu mi ds erneute aafääle aagschnäggelet het. Fautsche Entscheid! Es wär der ache sicher besser gsii u hät no paar Bögli meh gää.
Aber aus i auem immer wider e schöni Tour.
Es het no gnue Schnee und wird sicher no grad nid schlechter. U es het, ussert am Gipfuhang, no gnue Platz für eigeti Spure ds zieh.
Letzte Änderung: 23.02.2019, 17:19Aufrufe: 2070 mal angezeigt
Aktuelle Verhältnisse in der Umgebung
Metadaten
Rauflihorn (2322m)
Parkplatz Grimmialp - Alphütten Nidegg - Grimmifurggi
Karte